( مسحراتي طنطا)
مسحراتي بصحي
القلوب قبل العيون
ودقة طبلتي اجدع
من رنه الايفون
وكل دقة مالطبلة
دقة من قلبي
دقه في المضمون
واحب حتة كنافة
من الست ام ايفون
وطبق فول عالسحور
مع فصين لمون
اوعاكي تنسي
ياام احمد
شوية الكمون
وحتة مالجبنة
حتة مالكفتة
مليانة زيت و زيتون
وعالحسين تلاقيني
عاشق لشعرالغلابة
ومنشد لشعر الحبيب
عاشق ابن زيدون
وعالقهاوي ربابة
مليانه عشق وجنون
ابعتلي واحدة قطايف
او واحدة كمان بونبون
وكل دقه ماالطبلة
دقه من قلبي
دقه في المضمون
شوية شاي
علي القهوه
مع الشريب سعدون
وكل دقه ماالطبلة
دقه من قلبي
دقه في المضمون
اوعاك تفتكرني خالي
ده انا مبتلي زيك
بالعشق والجنون
انادي عالنكوي
وسهرانه منه الجفون
اصحي ياماجد
اصحي ياحامد
اصحي ياام حمدون
ماتزعلش من
اللي باعك
وخلي قلبك حنون
وكل دقة مالطبلة
دقة من قلبي
دقه في المضمون
وسجدة للمولي
تنسيك كل الهموم
تدعي بيها ربك في
وهدة الليل والسكون
وانا شغلتي مسحراتي
عالبيوت مأمون
افرح العيال
واديهم كمان بنبون
وكل دقه ماالطبلة
دقه من قلبي
دقة في المضمون
مسحراتي اصحي
الجنود عالحدود
ابعتلهم امل جوه
العيون موجود
ياللاه ياريمون صحي
اخوك محمود
وضب سحورك انت
واخوك عبد الودود
تأليف //// وائل أصيل
ليست هناك تعليقات:
إرسال تعليق