بابنت الجمال
فيك انشوف الحب في ڨلبي شتى
وإلى جاه الصيف زاد اتوالك شاق
يابنت الجمال وامو امن النبتة
يامن فيك الزين باسق في الآفاق
مثلو راه اقليل باين ع اللفتة
اويامهبلني بيك كان اعقيلي تاق
حسنك فاق انجوم تلمع وقاتة
في ليلة ظلمة ايسامرهم عشاق
راني عدت اغريمهم منك بختة
من حبك مسموم نستنى الترياق
حب اللهفة بينا جدر واعتى
واربط بين اڨلوبنا نبت لعراق
نرجاو المكتوب نركب في كفتة
يرتب الميزان نقطف من لذواق
بشيري احمد
الجزائر
ليست هناك تعليقات:
إرسال تعليق