اكتب يا قلم
اكتب يا قلمى وردد معايا حكايتها
وانشر لكل الدنيا قسوتها وخيانتها
وامحى حروف اسمها من فوق سطور ورقك
وسيبها تجرح وتالم كل حبايبها
اكتب حروف الندم على كل لحظه معاها
واكتب شهادة الزمن على حبى لهواها
واكتب كمان انى افتكرتها غاليه
طلعت رخيصه والكل قبلى شراها
اكتب حكاية الكدب اللى اتحكت منها
واكتب سنين الغدر اللى احنا عشناها
وارسم يا قلمى تقاطيعها وملامحها
بلون خداع يفكرها بدنياها
وانهى يا قلم قصتك بجروح كتير عايشه
يمكن فى يوم اقدر انى اشترى دو اها
بقلم الشاعر
احمد حمدى شمعه
مصر بنى سويف سمسطا
ليست هناك تعليقات:
إرسال تعليق