اوعى جارك بقلم السيد محمود

 ”””””””” اوعى جارك ””””””””

★★★★★★★★★★★★★★★

اوعى جَارك ، جارك اخوك ، مش 

                  من امك و لا ابن ابوك ، لكن اخوك 

في كل لحظة حافظ عليه ، ضهرك و سندك

         لو الكل باعوا ووقت زنقه هربوا و سابوك

له حق عندك و لك واجب عليه ، لو قلت  

      آه يسمعها منك ، يحس بيها من قبل اخوك 

وصية نبينا اوعى جارك ، خلي بالك دايما  

    عليه هو جنة و هو نارك اوعاك يصيبه منك أذية

هي حيطه بين داره و دارك , امانُه امانك حزنه 

 حزنك ، فرحه فرحك ، وده و ودك اجمل هدية

 لو تكون في الدنيا عابد ، تُوصِل الليل بالنهار 

         و انت ساجد و نفسه شالت منك شوية

لا انت عابد و لا لحظة فيها كنت ساجد      

         نبينا يعاتبك ، زَعَّلت جارك و خنت الوصية

 صاحي و نايم كاتم في قلبه همه و غمه 

        في كل لحظة بيشكي لربه و دمعه ف عينيه 

 اوعاك تكون فاكره ضعيف ، هو قادر يرد الاذية

بس الحقيقة هو خايف ، ربه يغضب يوم عليه

هو عارف يعني ايه لما النبي يوصي عليك

  و هو بيحب النبي و نفسه النبي يرضى عليه

انت نايم و هو صاحي بيدعي عليك مرة

 يفكر أنه يعزل و مرة يُصبر مستني منك تحس بيه 

عمره ما كان ف لحظة سعيد ، في قلب     

  داره و كأنه غريب ، في قلب داره راحه ما فيه

ليله ، نهارة دايما حزين ، قبل فطاره و

بعد سحوره 

    و ف لحظة سجوده بيشكي منك رافع ايديه

اوعاك تكون فاكرها نصاحة أو تكون   

       فاكرها فصاحة لكن الحقيقة بجاحة ووقاحة 

اوعاك تموت من غير ما تطلب منه السماح ، هيبقى قبرك 

حفرة لعذابك ، لو انت عاقل ابكي و عيط واقلبها مناحة

في قبرك لوحدك ، محدش معاك ، ولادك

               بناتك هينسوا اللي صابك بعد ساعات

 ادعي ربك ، استسمح نبيك , صحي ضميرك

      و راضي جارك تكسب حياتك دنيا و ممات

بقلمي ......الشاعر

السيد محمود

  الاثنين

27 / 6 / 2022