بين الجنة والنار (462)
فرحه غايبه ودنيا تانيه
كل ندمي دموع عينيه
مش كفايه الود فاتني
لما بشكي حق ليا
واللي كان فى الصغر شاري باعني ناكر وصله بيا
يا ترا ده ذنب مين
الصغير لما سبته
تاه يدور حضني فين
ولا عود الود أخضر
يوم قطعته حتتين
والغرور هيأ لي نفسي
إني أكبر من السنين
يوم ما بجرح مش بداوي وأما أخاصم
ببقى ناوي يجني شوكي مرتين ..
جاني إنذار شعر شاب
والمرأيه وزيفها غاب
مش مصدق
ده في دفاتري
ده جنيته وده الحساب
لما راح الكرسي راحوا
بعدوا عني ما عندي ناب
للوجع فاتوني وحدي
كل ليله بثوب عذاب
واللي هينته يا ريت يسامح
نبض عايش كفنه داب
يا ترا هيلاقي ستره
يوم وشوشنا بدون حجاب ..
بقلم .. صبري رسلان
ليست هناك تعليقات:
إرسال تعليق