صعبان عليكى بقلم محمد صادق

 صعبان عليكى

 صعبان عليكى

طب ما انتي كانت كل حاجة في إديكي

وكُنْتي عارفة إن انا كُلِّي ليكي

فليه نقرَّب م الضياع

وليه كُل واحد فينا بَاع

وليه مشينا كل واحد فينا ف طريق

وليه كُل واحد مِنِّنَا يبقي غريق

وليه تُهْنَا وتاهت خطاوينا

وليه وقفنا ولا مشينا

وليه نسينا كل شيئ 

وليه كُل واحد يبقي غريق

وليه بقينا في غُربَةْ طُول السنين

وليه فِضِلْنا مِتْفَرَّقِيِن

طَب فِين راح الحَنِيِن

وليه قلبي وقلبك بقوا حزنانين

وليه قلبي وقلبك دَابُوا م الأنين

 وليه مشينا مشوار طويل

بألف ليل

وألف وِيل

وألف ألف من غير دليل

مَ انتي كُنْتِي دليلي في ليلي وكُل شيئ معاكي گان جميل

وكُنتي الهوا والدَوا لقلبي اللي من غيرك جَريح

فاكرة أد إيه كان حُبِّك في قلبي كبير

فاكرة لما كُنت بناجيكي من بعيد

فاكرة سَهَرْ ويَّا القَمَرْ ومعانا النُجوم

فاكرة لُقَانا كُل يوم

فاكرة صورتك مرسومة بقلبي وف خيالي

فاكرة لما كُنتي بتتبسمي والدنيا تِرُوق

فاكرة لما كانت شمسك بتطلع 

وكان يومنا نادي

وأيامنا حلوة وجاية من بعيد

وكان هَنَا وعِيد

فاكرة كُل مابِيِنَّا مِنْ كلام

ولَّا نسيتي أوام

لأ حَرَام

تعالي وكفاية مَلَامْ

وقَرَّبي وماتِبعديش

مين فينا يقدر من غير حَبِيبُه يعيش

تعالي ومَتزعَلِيش

فاكرة رسايلك معايا في الغَرَام

فاكرة كانوا كام 

خمسة ستة

نسيتي أوام

لأ حرام

فاكرة ضحكة حلوة من عنيكي 

فاكرة لمسة ناعمة من إديكي

فاكرة حنية في قلبك

فاكرة خوفي عليكي

فاكرة غِيرْتي ملهاش حُدود

فاكرة أكيد  

ياريت تكوني منسيتيش

فاكرة

كُنتْ حَابب فيكي إيه

فاكرة حُبِّي ونبض قلبك بيضلل عيه

فاكرة گام مشوار مشينا سوا

فاكرة الهوي 

فاكرةالجَوَي والغَرَام

وَلَّاَ نسيتي أَوَامْ

فاكرة أول ما اتلاقينا

فاكرة همسة من عنينا

فاكرة دَقِّات قُلُوُبْنَا

فاكرة لمَّا حَبِّينا وِدُوُبْنَا

فاكرة كم ألف واحد كانوا بيحكُو علينا

فاكرة نسمة جاية بتنده علينا

فاكرة قلبك يروح لقلبي لو غاب مَرَّة عنُّه ويلاقيه 

طب فاكرة إيه 

فاكرة ضحگة حلوة قَسَمناها سَوَا

فاكرة هَوَانا كان عامل فينا إيه

فاكرة كَلَامنا وحلمنا كان كُلُّه إيه

فاكرة غرامنا بيسابقنا

طب نسيتي ليه

فاكرة حُبِّك في قلبي يمُوت

طب ليه السُكُوت

وليه حكاية حلوة يحكيها الزمان

تِعَدِّي 

تِفُوت 

زي مافاتت حاجات 

وصَبَحِتْ ذكريات

فين تلاقي حُبِّ تاني مِن جِديد   

فين تلاقي قلب صافي 

 تعالي نبدأ من جديد

مفيش حاجة بعيد

اللي بيني وبينك هُوَّ هُوَّ مابينتهيش

ومفيش حد فينا من غير التاني هيقدر يعيش

هفضل امشيلك الف سكة ومتنتهيش 

 من غيرك انتي مقدرش اعيش

وانتي كمان متقدريش

تعالي قربي ومَ تبعديش

كفاية غُربة وخِصام 

وكفاية مَلَامْ

وكفاية قَسْوَةْ وْقَسِيَّةْ

وكفاية غِبْتِي عَلَيَّا

إرجعي وما ترحليش

ألف مشوار مشيتي 

وابتديتي وانتهيتي

وما بتوصليش 

العُمر عَدَّى مبقاش كتير

ولسة شاريكي ومبعتكيش

ألف مشوار ومعدش في العُمر بَاقِي 

وِإمتي هيكون التلاقي

ألف مشوار ومبقاش كتير

تعالي وف قلب قلبك هعيش جوة بأمان

قالولي كتير في البُعْد عَنِّكْ

وعُمري م زعلت مِنِّكٍ

مشوار طويل وتعبت من كُتْر القسية

وانتي جيتي عَلَيَّا

رغم القساوة مُرَّة وشايف

كم ألف مرة كُنْت عايز أقولك بَحِبِّك وخايف

تكوني نسيتي خلاص

خَلِّي قلبك لقلبي من تاني يميل

 ومفيش مُستحيل

مشيت إليكي ألف خطوة إمشيلي خطوة 

وخلينا ف غرامنا

بلاش حكاوي وحكايات

وبلاش كُثر الاهات

وخلينا م كل اللي فات

تعبنا كثير من كُتر التنائي

ومعدش كثير في العمر باقي

تعالي وارجعي من غير دُموع

ومن غير خُضُوع

حبيبك هُوَّ هُوَّ 

فمَتتغيريش

ومتزعليش

وشيلي من قلبك رهبة وخوف

وارجعي وماترحليش

  هيا الدنيا تساوي ولا ماتساويش

هاتي قلبي لقلبك يسكن جوة فيه

وخلي قلبك بالشوق ماليه

عُمرنا اتسرق وانتي وحدك هترجعيه

ومفيش حد غيرك في قلبي 

اللي قلبك بالشوق ماليه

حُبِّنا صاحي لسة ومفيش حاجة تقدر عليه 

وان كان وَرْدُهْ دِبِلْ

فلسة برضُه ريحتُه فيه 

وإنتي وحدك هترجعيه 

إنتي وحدك هترجعيه

محمد صادق

مساء الخميس

٢٠٢٢/٦/٢٣