عذاب الحب
الموجه بتجرى ورا الموجه
وانا قلبى عايش ع الهوجه
مره يحب ومره يطب
ومره يقول توبه
احب تانى
لا لا لا
سماح من ديه النوبه
لاحب اقدر اجاريه
ولا حتى قلب يستاهل
إنى أعيش فيه
سيبوا لى قلبى بقا فى حاله
دا الجرح دايما بقاسيه
سيبوه عايش بجراحه
سيبوه
بحب
وجرح
وألم بقلبى بعانيه
بدموع بسيل
حتى ف أفراحه
وشوق فى لياليه
شوق داق طعم اوجاعه
ونار من غير حبيب
يلملم وراه دمعه
ويشيل من عليه همه
ولا ليل دافى بحبه
محروم انا من الحب وحنانه
اللى ياما اتمنيت اعيش بيه
لكن مش هاعيش
ولا مره فى زمانه
وكفايه ع قلبى
اللى جراه له
من ناس كانوا
بيقولوا عليه من عشاقه
كانوا له بيحبوا ويشتاقه
ولما غابوا سابوه بأوجاعه
وخدوا منه دواه وهناه
خدوا فرح اللى بيتمناه
تبت انا خلاص م حب ضاع
وضعت انا وياه
ولامره تانى هادق عليه بابه
اللى مش لاقياه
بقلمـــــى
الشاعرة د. جيهان الطنطاوى
ليست هناك تعليقات:
إرسال تعليق