الشاعروالاديب جاسم اللامي اللامي
ييابه اشبيك تبچي كلي راح الحيل
بعد ما بيه قوه وانهدم حيلي
مثل سچينه عميه ونذبح بيه الطير
هذا آنه صرت بس الونين ابليل
بس بيكم رجاء اولادي كلكم خير
اشم بيكم الراحة او ريحة الهيل
ياثمرة فؤادي ما اصيح الغير
ابكبرتي انتم سند بس طفح مني الكيل
لان عظمي وهن وحسبت هذا اليوم
مثل سعفة اويهزه الريح بي اتميل
تعبت آنه عليكم مو مثل باقي الناس
انحنى ظهري عليكم راح مني الحيل
زرعنه احنه كبرنه والثمر طيب حيل
يولد جيل اويكبر جيل اويذهب جيل
او آنه ادعيلكم بالخير بيكم خير
دورو الخير يا هل الخير وسبقوا الخيل
2022/7/15 يونيو الجمعة
ليست هناك تعليقات:
إرسال تعليق