من يوم خديت لو البرية
ومعايا خطيت صوابك
تمنيت قلبك يحن عليا
روح للغالي قول له راني
مشتاق وصهد الشوگ كواني
بعادو علي شعل نيراني
وسكاتو زاد فالقلب كية
بالله عليك يا مرسولي
اسمعني واتسلغى لقولي
كتابي نرجاك توصلولي
لحبيب قلبي العزيز عليا
قولو بسبابو هجرت ناسي
وغلبني همي طيَّر نعاسي
ما عرفت ساسي من راسي
من يوم وليفي ما غاب عليا
علاش يخليني نهبة لشواقي
دمعي عمر وديان وسواقي
خيالو وحدو فاعماقي باقي
ولا من غيرو يعمر عينيا.
زينب الكريضة المغرب
المرسول هو ساعي البريد بالعامية المغربية
ليست هناك تعليقات:
إرسال تعليق