قوم يا قلبي
قوم يا قلبي
قول لجرح عنيها
يهداّ
قولهُ إيه ده
هو من زمن المُناهده
للنهارده
حد غيرها شايفهُ جمبي
قوم يا قلبي
خّبي نن عنين حزانا
صابحه سارحه
ف ليل هوانا
تحبي ع الحرمان معانا
وتلاغيبهُ سنين حبايبي
خّبي ميت مليون ف جرحك
جرحهم يشبه ملامحك
خّبي شوق مجنون ب فرحك
قِصتهُ قصة هنانا
عاشها ف بداية آمالنا
عّزا فيها ف حوش لقُانا
قولهُ م يحوش الأماني
للمعاني الجايه بُكره
بُكره ف وشوش الأغاني
ع الرموش
ميت ألف فكره
كل فكره راجعه تاني
تقول ح نحلم م تخافوش
ياما جانا الوهم شايل
والعيون ف شجون تحايل
والحنين ع الكتف مايل
كان ف كف صباحنا طايل
بالدوا لف لشقوقنا
والليالي ف طرف طوقنا
بتنادينا م تحلموش...!!!
شعر
صلاح محمود عفيفى
ليست هناك تعليقات:
إرسال تعليق