أعوزك طّيبة يا أمهّ
وف الجنه تقابلينى
وتاخدى ب إيدى
كما كُنا
ف وقت الحزن
تسقينى
وكنتى تجينى بالحنّه
تحّنينى
يا أجمل حُضن
ف الدُنيا
يا ريت يا أمهّ
تسامحينى
يا قلب الحب
يا قلب الحب بأتمّنى
يا رب تكونى ف الجّنه
وتدعينى
وتدعينى أشوف
الطيف
أشوف الطيف
كما كانت
عنيكى الحلوه
تتأنّى
وتحملنى
نسايم صيف
وكنت خفيف
على قلبك
قوى يا أمهّ
بكلمه تطيب الخاطر
وتحضن
م الهوا سيرتى
وتتّمعن
ف صورتى وداد
ولما الآهه بيّا تسوق
على حيرتى
بروح نجواها
تفدينى
بروحها لو تلف بلاد
تغّنينى بأنفاسها
وتغنينى عن العواد
وصوتى لصوتها
موال الهوا لو عاد
يدفينى
يدفينى ف ليل العيد
خدينى
لحظتين لمعاد
أبوس الإيد
أبوس الإيد
ومن بعديهم
أّحلفلك
م عاد البرد يشكينى
وحشتينى
وحشتينى قوى يا أمهّ
وحشتينى........!!!!!
شعر
صلاح محمود عفيفى
ليست هناك تعليقات:
إرسال تعليق