خلّيكي طِفله زغيري تتشيطن مع النسمات
مادام القلب طفل و بعدها دَبدَبي خطواتو
وتِرجعي لحاكورة النعنع و تقطفي وردات
مزركشي بريحة الأهل و البيت و جنباتو
مِدّي إيديكي للقمر قومي لاعبي النجمات
هالعمر شو زغير اسقالله اللوكس وسهراتو
رفرفي بجانح عصفور يللاا سابقي الغيمات
تا تكبري بعد بكير خلّيكي ريشِه ع جنحاتو
ياريت بقينا زغار ... بقبِّة حمرا و مريولات
كتبناها بدفتر طفولِه
..كبرنا ... وضاعت صفحاتو
وسام الحرفوش
ليست هناك تعليقات:
إرسال تعليق