جوايا جرح لو حكيت
العمر عنه مايكفهوش
جوايا جرح من بشر
زي الوحوش
جوايا الف وميت ألم
وقلبي علم م الألم
ولدمع عيني ماقدرش
أحوش
جوايا جرح
جوايا صرخة حبسها صمتي
من الجراح
جوايا صوت قرب يموت
من السكوت وتعبت
ياما من الندى ع اللي راح
جوايا قصة
بتتحكي في وسط ناس
مابيسمعوش
قلبي اللي كان بينتفض
و بنبضه عايش
كان بيحلم بالحياه
جو ليله سامع نداه
حتي القمر غني بغناه
فجأة سكتت ضحكتي
والدمعة عرفت سكتي
وصوت البكا ملا غنوتي
والحلم أصبح من العدم
وصحيت وانا واخد الم
ولسه قلبي ماصدقوش
والدمع خدي ماحسهوش
لاني ميت وقلبي مااات
ولسه عمري ماعشتهوش
جوايا جرح لو حكيت
العمر كله مايكفهوش
جوايا جرح
سيدحجازي
ليست هناك تعليقات:
إرسال تعليق