إحنا جيل السبعينات
و الثمانينات.............
إحنا لا كان عندنا فيس .
و لا كان عندنا شات .
إحنا الجيل الي كان أقصى.
طموحه لما يخرج يتفرج .
على جنينة الحيوانات .
إحنا بتوع ماما سامية و ماما نجوى
و أبلة فضيلة و الحكايات .
ألعابنا كانت الكوتشينة و الدومينو .
و أتارى العربيات و الطيارات .
ولما نزهق كنا بنتسلى بميكى .
وسمير و مجموعة الروايات .
إحنا الجيل إلي بدأناها من تحت .
إحنا الي شقينا و تعبنا وإتغربنا .
عشان حبة جنيهات.
لما كان حد فينا بيتعب .
كنا بنجمع مع بعضينا .
ونجيبله بوكيه ورد .
و علبة حلويات .......
كانت الحياة جميله و سهلة .
كنا بنتجمع و نقعد مع بعض .
يوماتي أصحاب و إخوات.
لو جالنا مناسبة لازم
نعزم كل جيرانا .
و قرايبنا و أصحابنا .
أعداد من غير حسابات .
و الي يغيب نبعتله نصيبه .
حتى إن كان في الشلالات .
ما احنا إتربينا على العشرة .
الحلوة و صلة الأرحام .
و الزيارات..............
إحنا الي كنا في رمضان.
بنغني وحوي يا وحوي .
و نلعب بالفوانيس .
و نعلق الزينات .
كنا بنقعد فى البلكونة .
نستنى المسحراتي .
و لما نفطر نتفرج على
الفوازير و ألف ليلة .
و المسلسلات.
إحنا الي كنا بنستنى .
العيد يجي ..........
عشان نصلي و نلبس .
الجلبية و نلم عيديات .
إحنا الي فرحنا بلبس العيد .
نلبسه مرة و نشيله من .
العيد للعيد أو نلبسه .
فى الأفراح أو وقت الخروجات .
إحنا بتوع السيما من ستة لتسعة.
و باليل نقضيها على النيل .
و الصبح في الأهرامات.
إحنا الي سمعنا أغانى زمان.
حليم و الست قبل ما توجعنا
دماغنا من أغاني الراب
و المهرجانات. .........
إحنا لا شيلنا موبايلات .
و لا ذاكرنا بتاب .
و لا روحنا سناتر .
و لا صورنا كتاب .
و أخرنا كنا ناخد مجموعات .
إحنا الجيل إلي لما كان
حد يسافر كنا بنبعتله.
( جوابات )
كلمات
هاني فتوح
ليست هناك تعليقات:
إرسال تعليق