*تقدر تاخد عينيا
عن طيب خاطر بجد
لما ما تأساش عليا
ولا غيري تكون لحد
الدنيا إنت إللي ليا
وإنت الضحكة لعنيا
ومعاك الفرحه جايه
بإيديك حزني بيتهد
*عاملني بالهداوة
واللطف أه واللين
خلي عيونك شطارة
تمسح دمعي الحزين
خليك ساند لعمري
عكازي انت يا عمري
خليك للشمس ضلي
ارويني من الحنين
*ومعاك حسسني إنك
بكرة الفرح اللي جاي
لو مرة غلطت جانبك
بالحب قولي ازاي
الغلطه ما تتكررشي
بالحب الدنيا تمشي
حبيبي انا ما اقدرشي
وحدي ع الزمن الجاي
*بكرة الايام تعدي
بالحلو وبالهموم
اوعاك يوم تكسرني
وتهني حبيبي يوم
خليلك دايما أصيل
خلي بالك طويل
العمر يكون جميل
العشرة كمان تدوم
#كرم ميخائيل
ليست هناك تعليقات:
إرسال تعليق