البدو يغني يعرف كيف
يمسك مايك ويغني
تايحيي سهرات الكيف
ويعرف جمهورو يهني
.....
بدنا الكلمة الحساسة
تطربنا وإلها معنى
هيدا الشرط الأساسي
حتى الجملة تتغنى
يلي إدنو حساسة
بيشنفها علا المغنى
بيشربلو مية كاسة
ويشرب نخبا ويتني
....
الكلمة اللي بتجيب الكيف
والخاطر منها ينسر
والموسيقا عليها تضيف
لمسات بتبهر وتسر
بتداعب نسمات الصيف
برقة وبحنية وسحر
والمعنى بدو حريف
بعلم الرنة والطنة
....
لكن صرنا بهالأيام
فن الفلتان رباطو
اللي تعملق فيه الأقزام
وعم يصرعنا بعياطو
جيل متمسح ياحرام
صاير سمعوا بصباطو
مابيهمو من الأنغام
غير كلمة نطي وجني
....
جيل منطوط بدو ينط
وبدو يجن مابدو يكن
متقصد يعوج هالخط
الفدان الأكبر بالسن
والتاجر لشروط يحط
شرط التجارة بالفن
حتى عود فرخ البط
ينطوط يرقص ويغني
......
بقلمي
الشاعر عيسى وسوف باظة
ليست هناك تعليقات:
إرسال تعليق