ورقتي والقلم .... بيبعتولك سلام
ورقتي والقلم ..... بيكتبولك كلام
بيحكولك ع اللي فيا
وطول سهر لياليا
والشوق اللي ياما
شلته انا ف عينيا
حبيبي خلاص تعالا
فراقك ده استحالا
قول للبعد والهجر لالا
وافهم مني الرسالا
طريقك انا خطوته
وفرحك انا ضحكته
وقلبك عرفت سكته
إرجع يا حبيبي ليا
لو يوم جم خيروني
هختارك نور عيوني
وتكون السما لكوني
ولدنيتي كل لياليا
ايوه يا أغلي حبيب
بعدك قادر يسيب
أهات وفيا تصيب
وتصحي الجروح بيا
الشاعر / عرفات فرج الله بلبل
ليست هناك تعليقات:
إرسال تعليق