ياللي ءامنتك ع الهوا ....................... أيام ما كنا يوم سوا
غدرتني وسيبتني .................... أحضن جراح ملهاش دوا
لغيري ياللا روحلها ....
وخليك تملي روح لها
شوف فيها إيه يفرق عشان ....
يهون عليك عشرة زمان
قلبك حجر مش م البشر
والحكم كان حكم القدر
كنت الوحيدة عايشة ليك ................. قدمتلك روحي فدا
وكانت حياتي بين إيديك ............... وحبي ليك لابعد مدا
مين غيري مين فضل معاك
حتي الحنين شاف من أساك
بعت الدهب بكوم تراب ............. والغالي ليه بعته برخيص
رضيت تعيش عيشة العذاب .... وفيك الأمل ملوش بصيص
أسفه دا قلبك ميساويش
بعدك أكيد هقدر أعيش
ياما عليك قلبي صبر ...................... ودوقت منك م الألم
وقلبك عليا جه وقدر ................. دلوقتي جاي تبكي بندم
قلبي ف هواه زي الملاك
وكان هواك ليا هلاك
رجوعي ليك شئ م المحال
من بعد دمع العين ما سال
الشاعر الغنائي / عرفات فرج الله بلبل
ليست هناك تعليقات:
إرسال تعليق