حواديت
بقلمي يحيى حسين
حضن امي ياما
ساقني حواديتها
عن امها الغولة وياما
زارت عتاب بيتها
وعن سندريلا وحلمها
اللي مصاحب مخدتها
وست الحسن وشاطرها
وغنوة منها حبيتها
عدي العمر يا امي
وعشت كل احادثها
لا عمري خفت من الغولة
خفت انا بس من ناسها
سندريلا لسة محبوسة
حابسه لسة انفاسها
وست الحسن وشاطرها
عمره ما جه في يوم باسها
ولما إبني طلب مني
أحكي انا ليه حدوتة
لقيت كلامي هرب مني
كأن شفايفي مربوطة
خفت عليك يا ابني
تعيش زي البشر خواف
وتعشق الدنيا واحلامها
وحضن الحلم صعب وجاف
يحيى حسين القاهرة
16 أكتوبر 2022
ليست هناك تعليقات:
إرسال تعليق