جوايا شوية كراكيب
عليهم شوية تراب
لو اتنفضوا
ياجيل شعركم يشيب
انا عمري ما بعت
الغالي بالرخيص
ولا عمري هاقول
للرخيص يانفيث
بتقولوا العلم في الرأس
طيب تعالوا بقي
ونفتح الكراريس
ياعقول ومتحجرة
ومقفولة بالمتريس
ياجيل محتاج رعاية
وإعادة التدريس
راح فين شيخ الكتاب
وضربه لينا بالفلقة
ونظرتنا للمدرس كانت
نظرة قديس
ياريس كبر دماغك
ويا عمدة خلينا نهيص
انتوا جيلكم معقد
واحنا شباب هييس
احنا الدنيا برمانا
وعارفين كل حاجة
اهالينا اللي مش فهمانا
ياجيل الأبيض والأسود
احنا جيل الألوان
وبكره تشوفوا حياتنا
والمستخبي ها يبان
اه يا بتوع الكراكيب
انا جيل الأبيض والأسود
وما كانش فيه الوان
ياجيل زي الحربايه
اه علي كل الألوان
والله مشفق عليكم
وكمان ياعيني حزنان
وربنا يسترها عليكم
والله المستعان
بقلم
احمد محمود
من ديوان حبة رتوش
ليست هناك تعليقات:
إرسال تعليق