نّبش القرود
يا مِخّلفّه إسود الزمان
ومٌطّوفّه النصر الأمان
ب إديكي رّنان الوجود
يا مِوّلفّه حّد الصمود
مّلفوفّه بعنين الدفا
مِتّولفّه نغم الشِفّا
مِتخّوفّه م الوّشم ليه
ومخّوفّه حلم الوعود
ليه مِصّدقّه صُبح الجفا
وبتعشقي جرح اللُقا
كان بعد نصركِ
تحفّقي فروخ الشقا
وتعيدي فجر اللي إختفي
وتحّلقي ع اللي إتسرق
تتحّققي من طّلتك
وتزيدي طاقة مُهجتك
وتفّرقي بين إحتمالك
تشّهقي ف وش الجحود
أو تخِلفي نّبش القرود
وتمدي فرش اللي إختشّي
يّمك يعود
للدّندّشه مش للجمود
وتزيلي غِش اللي إنعزل
من ع الحدود
ولا تسمحيش بالدّروّشه
وتنّشفي عّرق الورود
مش بالخِشا ولا بالوعود
ولا ب إنكسار الدمع
فوق نار الخدود
ولا ترضي يحتار النهار
ف المفترق
تستّنزفي صبرك زّهق
وتطّفِفي ميزان المّدد
تستّضعّفي حيطان الكمد
وأنا كل هّمي م تضعّفي
وتخفي القلق
وتحّلفي الجوع يختفي
مش بالكلام
وتصّيفي من وحّي هّمي
اللي إستقام
علي ضّي حواديت الملام
وتنامي عازمه الريح تنام
أيام شراعي م تتولد
وأمامي قدام الغرام
كامله العدد
وف تنهيداتي م تنصفي
ولا توصفي شمع الضلام
وتكّلفي الموجوع ينام
ع القّلقّله خلف المقام
من قبل حتي م ترصفي
وتعّشمي الجاي بالحّلق
إزاي حمامي
يطير ف عِشهُ م يتخّنق
ويمامي فّرشهُ م ينسّرق
وإزاي ح ينقلكِ آلامي
ده لو صّدق
طايفه الحياه من بّره جرحي
ف إتجاه قلب الأسير
وإن قولت آه
ع الباب أغير
ياه ع اللي سايبك تصلُبي
ف الروح عجافكِ م إتخّنق
ليه خايفه مِني تقّربي
من إمتي كُنتيلي الغرق...!!!
شعر
صلاح محمود عفيفى
ليست هناك تعليقات:
إرسال تعليق