------------------- كلمات / السيد بدر
جيت عليكي زى غيري
ضيف ... وماشي
النهاردة . يكره بعده
افهمي
سايبك .. وماشي
مين يادنيا اترجتية
حبيتية .. مسكتي فيه
داري كدبك .. اسكتي
مين عليكي . عزيز وغالي
كله .. سايبك . كله .. ماشي
-----------------
ليا حق يا دنيا فيكي
تنكري طب ليه ماليش
قسمتي . وكمان نصيبي
هما فين .. ازاي مافيش
جوري يا دنيا عليهم .. جوري
واسع جو فك .. ماشبعتيش
زي عوايدك مستقويه
قادرة تعاندي .. ماتتعنديش
جيت عليكي .. ضيف عليكي
سايبك ماشي .. ماتتعشريش
كله سايبك .. كله ماشي
---------------------
مش هابكي على اللي راح
ولا قول بدموعي .. هاتي
ولا ها فرح بل لي جاى
الفرح .. الحزن .. عادي
راح أكتب وبايديا . تنازل مني ليكي
ويعلو صوتي اقولك . لو. ليا حلال عليكي
مانا الضيف اللي جيت
وانا الضيف اللي ماشي
كله سايبك افهمي
بكره .. بعده
انتى وانا والكل ماشي
فى بدايه وفى نهايه
فى شهيق وفى زفير
جيت عليها ومنها رايح
واللى جي دوره يطير
ولغيره يسيب المطارح
النهارده بكره بعده
دنيا فيها جى ورايح
كله سايبك كله رايح .... بقلم السيد بدر
ليست هناك تعليقات:
إرسال تعليق