صرخة المساكين
لّفيت بكاس الصبر
علي ناس كواهم هجر
م لقيتش بينهم غدر
زي اللي شفتهُ معاك.....
ومشيت بكاس الشوق
مع ناس هواهم فوق
قالوا يامحروم دوق
وإنسي اللي بات ينساك.....
فّضيتهُ م الأشواق
ومليتهُ مُر أنين
عّديتهُ ع العشاق
م لقيتهُ زي هواك...........
جبت الحنين ورجعت
لا ضاع هناك ولا ضعت
كان نفسي أضيع وياه
وأنسي الألم وانساك.........
رجعت ع المساكين
وصرخت أنا مسكين
قالولي يا مسكين
إرجع وخُدنا معاك............
زادوا الهموم همين
بقي همي والمساكين
هُما هناك ضايعين
وأنا قلبي ضاع وياك......!!!!!!
شعر
صلاح محمود عفيفى
ليست هناك تعليقات:
إرسال تعليق