واقعنا هو من فرض هذا المصير
رانا فيه نشوف تهنا في الزحمة
مهما كان العبد واضح راه يحير
يرى رأي العين وايتوه ابظلمة
يسكت اخرس مايطيڨش باش يطير
جنحان ابلا ريش ما تفجي الغمة
حالو حال غريب ماعندوش عشير
وسط اهلو مكبوت مالالو سهمة
حتى ولو ڨال لامن ليه ايشير
ينفوه ابلا نفي وابعينيه اعمى
لامن يسمع ليه مهما دار الخير
ياسر ناس اڨلوبها حجرة صما
واك احنا ذالشعر ننفع بيه الغير
غيث على القلوب يعطيهم لهمة
كي يهدف ساعات عنا كي يبرير
نكتب من كنزو احكم تعطي بسمة
ناو اجميع اقرايني واللي هم خير
مثل اشموع انبان في طيب اللمة
الشاعر: احمد بشيري
الجزائر
ليست هناك تعليقات:
إرسال تعليق