حبة رتوش
مين اللي قال ان الكبار
ما بيضعفوش
ما بيحتاجوش
مين اللى قال إن المشاعر عندهم حبة رتوش
مين اللى قال إن القلوب
بالوقت تتحول صخور
بالعكس دى بتصبح أرق ومعتقة زى العطور
وقادره تطرح بالأمل وتطير لفوق زى الطيور
جواها حب و نور و خير
بيكبروا ما بيصغروش
انا شعرى ابيض
آه صحيح
لكن جوايا إحتياج
اللى فى سنك ما يشوفوش
ما يحسهوش
على قد خبرات السنين
قادر أبان جامد رزين
لكن جوايا حنين
وحاجات كتيره مع السنين ما بيموتوش
جوايا حد حاجات بسيطه تفرحه
جوايا عاشق الخيانه بتجرحه
جوايا طفل حضن امه بيوحشه
فيه حد فينا الحنان ما بيوحشوش
اياك تفكر أن عمرك انتهى
و حاجات كتير ما تقولش ده مش وقتها
فيه بكره جاى
فيك قلب حى
عيشوا وغنوا وافرحوا
ما تكسلوش
احبك ياللي في جمالك ماشفتهوش
حبة رتوش
احمد محمود
18/4/2016
من ديوان حبة رتوش
ليست هناك تعليقات:
إرسال تعليق