... لا ملامه ..
.......... قلم / السيد بدر
الزمن ماعملش فينا
لا ملامه عا الزمن
الجفا من صنع ايدنا
ليه بنظلم الزمن
الاسيه طبع فينا
العيوب موجوده فينا
ليه بنشكى من الزمن
لا ملا مه عا الزمن
...
جمايل بينا منسيه
خلاص وماعتش حنيه
اللي شالت
واللي ريبت
بعد ده كله مزويه
مابقاش زمن ناس تؤتمن
والعيبه عادى وف العلن
بين الوحوش مالكش ديه
طيب بتدفع التمن
لا ملا مه عا الزمن
...
الزمن نفس الزمن
بس البشر مش نفسهم
حقد القلوب غيتهم
حنيه مش طبعهم
عيوب كتير فيهم
الكدب يصدقوه
الصدق يكدبوه
بينهم سوء النيه
الزمن ماعملش فينا
لو عالعيوب موجوده فينا
وكل حاجه وحشه فينا
لسانا لايمين الزمن . الزمن ماعملش فينا ..
ليست هناك تعليقات:
إرسال تعليق