قصيدة بعنوان
بنبني ؟؟؟؟؟!
بنبني
وهو بيهد.
بنفتح له أبوابنا
محبه وهو بابه
في وشنا بيسد
رفعنا رايتنا وأعلنا
إستسلامنا.
أعلن الحرب بزعابيبه
ووشه الشين
في الماضي وفي اليوم
وغد........
إعطينا مهله ونتصالح
يفكرنا كل ما ننسى
بغلطنا بيحسب لينا
ويعد......
ومين معصوم عن غلطه
ومين ما إرتكبش ذنوب.
ربنا بيقبل التوبه
وكلنا فينا عيوب
يغلط وإحنا نسمح له
يكشر وإحنا نضحك له.
ينكد ويعلي له صوته.
نتفح صدرنا ساحه
يجري فيها رهوان
يسبق الريح ويشد
يشيلنا همومه بالكوم
نتعب ونشقا لخاطره.
وكلامه بيوجعنا
ويصد.
نحاول نوصل لقلبه
بحيله وبأي طريقه
وهو بخطوته بيبعد
عن عينيا بسرعه ويمد
بحاول أفتح لينا صفحه
جديده يمكن يقتنع ويهدى
يزيد فيها ويستهبل
يبجح في وجهنا ويرد.
قررت أنساه وأرحل.
وصممت هذه المرة.
وقلت لقلبي خليك عاقل
بلاش كل ماتشوفه تدق
دقاتك له
في جسمي بتخض.
تتعبني وتهزني
وهو بارد كما التلج
ولي ند بند.
بنبني وهو بيهد
تحملته وصبرت عليه
قولت صغير ومش فاهم
وجاهل لسه بالحب.
رمى لي كل ذكرى جميله
جوباتي
وكل أمتعتي.
قصايدي وأشعاري.
كتبي ودفاتري.
ووضعهم في كيس
مهمل وحملني وقال
خد عني وروح
وأهجرني أنا قلبي.
معدش لحد.
أخدت الباقي من
كرامتي وعزة نفسي.
ولعنت الحب
بتفاصيله ولعنت
كل إل بيجي له
ويقع فيه مع واحده
وقلبه في حبها
يطب......
لا بترحم ولا بتحن
ونكدها عقرب ساعه
لابيهدى ولابيعطل
ولا تأخر ثانيه
على ميعاده
في حين.....
أوقاته بيرن.
زن في زن بيون.
و قلبها لا عرف
في يوم محبه
أو ألفه وصحبه
جميله.......
وعشق أو ذرة
من ود.......؟
بنبني وهو بيهد
20/1/2023
(ترنيمات وخواطر/بقلم........)
(شاعر العاميه/ خيرى حسنى
ليست هناك تعليقات:
إرسال تعليق