إنتي حياة قلبي ... وانتي لعيني النور
إنتي الهوا وحبي ... ليكي هعدي بحور
ومهما هايحصلي
حبك وواصلي
يا شمسي يا ضلي
إنتي الضيا والنور
قوليلي إيه هاوصف
فيكي لا مش هانصف
مهما اللي راح يوصف
لازم يهد جسور
كلمة ورا كلمة ...... مش لاقي فيها حروف
تقوللي دي النعمة ... من غير قلق او خوف
حتي الجمال فيكي
محتار يداديكي
ويقول كلام فيكي
فيه الخجل مكسوف
بالنبض والهمسه ..... فلبي ليكي سلم
وف الإيدين لمسه .... بالحضن هتسلم
ف حضنك ملكت الكون
وبيكي انا مجنون
حبك لا عمره يهون
فيا أنا علم
إنتي حياه قلبي
إنتي الهوا وحبي
ليست هناك تعليقات:
إرسال تعليق