عن رعبة الزلزال شو بحكيلك
الأرض متهز يالله دخيلك
ضهر مكسور ما في إجر تلقى
القيامة بلشت الله وكيلك
الهزة مرعبة متهز فينا
السما فكرتها نزلت علينا
فتحنا صدورنا للباري دعينا
يربي انجدناماعنا بديلك
الهزة الكان مدتها دقيقة
إجت بظروف حساسة ودقيقة
قصد الله تأديب الخليقة
جيل اليوم يربي غير جيلك
جيال المضت في طهر وقداسة
وجيل اليوم في كفر ورجاسة
ولهيك بليتنا بهالإنتكاسة
وصار الموت بإصبعتو يوميلك
والناس مستسلمة لاحول ولا
انمحيت مدن من دقيقة بلى
اندفنت عيل تحت الركام بأكملا
والمستغيث فيك يالله يناديلك
بيظهر وصلنا لآخرة الزمان
ازداد الكفر وتضعضع الإيمان
وما صفي بهالدني ولا إنسان
من كل قلبو عم يصليلك
قلي إلهي ياعبدي اسماع
غضيت النظر عا قدر المستطاع
آمن وتوب وعن الخطية رجاع
وعن توبتك هات قدملي دليلك
ياربنا ماسمعت عبدك بالصلى
بصرخة خشوعو الكواكب زلزلا
لطفك إلهي التجربة لاتطولا
من خوفها هالبشر عما تصليلك
إنتا الرب الضابطا للكل
الحامي النفوس المؤمنة بتفضل
نصليلك طول العمر مانمل
نرفع يدينا والراس نحنيلك
وقلوبنا يا رب عاطول منشيلك
....بقلمي الشاعر عيسى وسوف باظة
ليست هناك تعليقات:
إرسال تعليق