فاكرين الواقفه مع الغلبان
وخوف الجار علي أخوه الجار
وهوا سعيد او حزنان
فاكرين الضحكة في وش بهيه
وياجارتها الحاجه سنيه
وهي ف حنة اخوها شعبان
فاكرين وقفة عمي صلاح
ويا أخوه عبدالفتاح
كان بيعيط جنبه بحرقه
وقت الزنقه وكان تعبان
فاكرين الناس كانت للناس
وكانو بيحبو وبإخلاص
وكان الخير في قلوب من ماس
فاكرين
دلوقتي بقينا في عالم نت
وإتفرقنا بأخلاق زفت
عاد الفار بيصاحب القط
ولفيناوتعبنا من الدوران
اتقدمنا صحيح في العلم
بس رجعنا سنين م الهم
شوفنا قلة أصل كتير
وشوفنا كتير من غير دم
الله يرحم الانسان ايام ماكان
في زمن انسان
فاكرين
سيدحجازي
ليست هناك تعليقات:
إرسال تعليق