نظرة للغلبان
هوا لسه
ما أن الأوان
نخلي بالنا بقي من الغلبان
ونرجعة لعيشة زمان
وزمان مش بعيد
انتوا اللي كبرتونا
قبل الأوان
نظرة للداخل بقي
ليه سيبتونا للحيتان
قطعونا ومصمصونا
خلاص دمنا نشف
والعضم اهو ظهر وبان
شايفين بلدنا اتغيرت
واتخضرت ونورت
لكن علي حساب الغلبان
بنشاور علي الحلو فيها
لما يكمل ويبان
ونقول الريس
مر من هنا
طيب و الباقيين
نفسي مرة ااقول
الوزير مر من هنا
والمحافظ لسه كان هنا
ورئيس الحي كان عندنا
والنواب واخدين بالهم مننا
انتوا مستوردينهم
ولا هما ناس مننا
مستحيل يكونوا مننا
والتجار احفاد ابو لهب
ولا بردوا ناس مننا
اصلهم يوماتي ماصين دمنا
وما فيش رقابة عليهم
وقاعدين ينتقموا مننا
يا اللي انت قولت
انتوا نور عنينا
احلفك بالله ياشيخ
خلي بالك مننا
قبل ما يطلع خلقنا
اصل الجوع كافر
وصدقني دا غصب عننا
وانا عارف
انك واحد مننا
وحن بقي علي الغلبان
قبل فوات الأوان
بقلم
احمد محمود
ليست هناك تعليقات:
إرسال تعليق