بعترفلك
وانا بكامل قواي العقلية
اني حبيتك
بكل عيوبك و مساوئك
بكل غرورك يا وجعني
انا حبيتك
وحبك بيجري في
وريدي و شرياني
وحبك مارد خلاني
كأنك جن و ساكني
وعقلي الرأسي طول عمره
طار مني
وتاهت مني احلامي
وفضل مني
بواقي شبه انسانه
في دوامه
دوامة عشق المجانين
واروح منك فين
من حبك اللي جنني
وجنك اللي ساكني
وتبات سهران ليلاتي
علي رمشي تصحيني
وتخليني ما يغمض لي
جفن العين
حزينة يا دموع العين
وانا والليل بقينا أصحاب
وأعز احباب
مستنين في يوم تيجي
تدق الباب
تصرخ وتقول وتنادي
انا ليا هنا
اعز احباب
لكن ياخساره طول عمرك
ياحبيبي كداب
وحبك خلي ايامي
عذاب في عذاب
واعترفلك اني حبيتك
ولو فكرت في يوم تيجي
وتدق الباب
والنبي يمه افتحيله الباب
دا جني اللي ساكني
و الحب عذاب
وأمل كداب
بقلم
احمد محمود
من ديوان سكة العاشقين
ليست هناك تعليقات:
إرسال تعليق