كلنا وشوش
وكل واحد مننا
ماشي وشايل وشه
بس اللون مختلف
بس هو وش ف الاخر
وتعبيرات كثيرة
فرح سعادة حزن آلم مكشر
كلها وشوش
خلي بالكم
كل واحد يمسك وشه ف ايدة
اوعى تسببة
احسن يتبدل مع حد تاني
وتبقى مشكله
ال وشه طويل فجاة يلائيه مدور
وال مربع أصبح مستطيل
وندخل بأه ف الأشكال الهندسية
ويمكن تكون بالطلب
فكرة ونبيع ونشتري وشوش
وممكن بالفيزا
ممكن ده يحصل
الدنيا دخلت عل الجيل الخامس
احنا لسه فى الرابع
بس انا عجبني وشي اتعودت عليه
ال ممكن يتغير
نفوسنا من جوا
كل واحد وواحدة
هتشوف وش احلى واجمل
لما يبقى القلب طيب
والرضا موجود ورضينا بالمقسوم علينا
هتبقى الوشوش حلوه
هي دي الوشوش الراضية
كل واحد يشوف وشه
ف المرايا
هيعرف نفسه
هوه مين؟
الشاعرة ليلى حسين
من كتابي قضاء وقدر
شكرا لحضراتكم ولتوثيقكم
ردحذف