ف عيوني دموع
أنا حاسسها
بس عيوني بترفضها
زي صراخي المحبوس
وجراحي ف قلبي المنحوس
وحكاوي ومش ناوي أقولها
ما انا مهما حكيت مش هعدلها
في عيون دموع انا حاسسها
ف حياتي صفحات عايز أملاها
حتبكو ياناس من مواويلها
قلت يا قلمي ماتتكلم
من اول سطر بتتألم
طويت الصفحه بألامها
ف عيوني دموع أناحاسسها
يمكن خني التعبير
والناس مش فهماني كتير
لساني تقيل من عمايلها
وقلبي ضحية مقالبها
وف عيوني دموع انا حاسسها
بقيت زي العايش بروح ميت
بتعذب وانا صاحي ف مقابرها
لولا إيماني لهسيبها
وناس ظلمتني وانا المظلوم
تاركها لربي يحاسبها
سيد حجازي
ليست هناك تعليقات:
إرسال تعليق