أنا كنت طيب يعني وحنّين معاك
وكنت ممكن أضّحي بسنيني فداك
لاكن ردود الفعل منّك غيرّتني
خلت مشاعري إتحولّت بركان هلاك
ف ماتعتذرش وتتدّعي تاني البراءة
ماهو كل واحد مننّا أكيد لُه طاقة
إزاي هسامحك يعني بعد اللي عملته
أنا شخص عادي أكيد بقى أنا مش ملاك
أنا عشت طول العمر أخلِصلك وأصونك
أوقات كتيرة كنت بتحمّل جنونك
لا عمري مرة كسرت قلبك أو جرحتك
ولا عمري فكرت إن أنا ممكن أخونك
فاكر زمان الكلمة اللي قولتها
ولا النهاية اللي أنت يعني كتبتها
جاي النهاردة تقوللي نرجع من جديد
القصة خلصت والدموع فات وقتها
إزاي هسامحك وإنت ياما جيت عليا
لا رَحَمت قلبي في يوم ولا دمعة عينيا
والجرح يعني اللي إنت سيبتُه جوه مني
بكره أكيد الجرح ده راح أردّه مِية
بكره أكيد هنساك وهبدأ من جديد
وأوصل لحلم العمر حتى لو بعيد
أما المشاعر اللي ماتت جانب منك
هَحييها تاني لكن مع الشخص المفيد
بقلمي عبدالحميد وهبه
9/7/2023
ليست هناك تعليقات:
إرسال تعليق