.......
...سبحان رب السما.....
سبحان رب السما بترهج متل قنديل
بتقول ريم الفلا الشارد في روابيها
شو بتشبه الصورة رسم حرف مع تنزيل
الفنان رب السما وهوي محليها
والوجه متل القمر حسنو الهم يزيل
والتم نبعة عسل أطيب شهد فيها
والقد متل الرمح بنسمة هوا بيميل
وهيي نجوم السما وهيي لياليها
وصوتا صدى الآهات ونعمة مواويل
غناتي اللي كلا طرب هيي تغنيها
والحلا مانو مجرد حاصل وتحصيل
خلقان صافي ونقي ورتوش مافيها
معذور يلي بالحب ابتلى وصفا قتيل
مرضان مالو دوى من سحر عينيها
مغروم فيك انبلى وصاير عليل
علة ومافي حدى غيرك بيداويها
....بقلمي الشاعر عيسى وسوف باظة
ليست هناك تعليقات:
إرسال تعليق