منين على فين (604)...................
صحبي نصحني
وقاللي يا أبو أحمد
ريح بالك هدي السير
مش بأيديه العيشة بتحكم
لزما حتما من التفكير
جيبي بيفضي فى إتنين منه
وباقي الشهر نقول مواويل
ثلاثين شغله وصحتي راحت
ويعايروني بالتقصير
مهما جريت أحسبها وأجمع
ربي خلق لي أيدين إثنين
هو صحيح فيه مش وجبنه
شهور تحبيشه بتملا العين
محلا كمان العيش الناشف
فته بمرقه أم حسين
بقى باللزمه يا ريت تخدوني
رجعوا عمري لعشر سنين
سوبر مان فى الحلم تماللي
ودماغه فاضيه من التفكير
إصحى يا بابا صلاة الجمعه
مش فاضيه لك عندي غسيل ..
فجأة وتاه الحلم وسابني
قوم يا سي عبده سد الدين
بقى باللزمه شوفوا محفظتي
فاضيه تماللي على الجانبين
ساعتين صحبي معايا
يفكر ملقاش حل منين على فين
هو كمان العيشه بتحكم
ضغط وسكر من التفكير
بقلم .. صبري رسلان
ليست هناك تعليقات:
إرسال تعليق