والعشق ده جنني
كأن جن وساكني
والعشق. ده درجات
وفيه كتير حركات
فيه اللي قلبه صغر
وفيه اللي كبر ومات
وانا العاشق لجنيه
انسيه مش في الميه
لما تشوفها بتعدي وبتهدي
تتهزلها كتير شنبات
جمالها والله رباني
ومن غرامها اه ياني
واختارتني من بين شنبات
قلبي الصغير فرح
ورقص من الفرحة وقال
السعد وعد للموعودين
وقلبي في الهنا هيبات
اتاريها لعابه وشقيه
وغاويه كتير ملاغيه
ومجريه وراها شنبات
اتبدل حالي لحال
وحكايتنا بقت موال
يتغني علي الربابه
وقلبي الصغير شاخ
وعقلي تاه مني وداخ
وكرهت العشق وغناويه
وكرهت الجن اللي ساكني
خدها نصيحة واشتري مني
وأنا. اللي العشق جنني
يا من تعيش العمر بعد مني
لا تأمن لمخلوق ولا تبكي عليه
وقبل ما تناسب حاسب
وأختار لأبنك أم
وأختار لأبنك خال
قبل ما حكايتك تبقي حكاية
وتتغني كمان موال
وانا العاشق
بقلم
احمد محمود
من ديوان حبة رتوش
ليست هناك تعليقات:
إرسال تعليق