****************************
. إوعى تصدقها الدنيا
غش في غش
إذا جاك الموت يا وليدي
موت على طول
اللى اتخطفوا فضلوا أحباب
صاحيين فى القلب
كإن ماحدش غاب
واللى ماتوا حتة حتة
ونشفوا وهما حيين
حتى سلامو عليكم مش بتعدي
من بره الأعتاب
أول مايجيك الموت إفتح
أول ماينادى عليك إجلح
إنت الكسبان
إوعى تحسبها حساب
بلا واد بلا بت
ده زمن يوم مايصدق / كداب
سيبها لهم بالحال والمال وانفد
إوعى تبص وراك
الورث تراب
وحيطان الأيام طين
وعيالك بيك مش بيك عايشين
يامنة
عبدالرحمن الأبنودي 🎼
*********************************
صدقت والله ياخال
دي دنيا غش في غش
الناس كانت بوش واحد
دلوقتي بسبعين وش
ناس وشوشها بالالوان
بتتلون ك الحية
وناس وشوشها بهتانة
ومن جواها اه يانا
وناس تفكرها سند وضهر
طلعت حيطة ميلانة
اوعدك لو جاني الموت
هموت علي طول
من غير ما. ابص ورايا
ومن غير. حسبات
وانا الكسبان ومش زعلان
انا راضي والله بالموت
بس نفضل احباب
والورث فعلا طين وعفن
والعقن علي اللي اندفن
ناس يتاكل في معون دهب
وناس يتاكلها بمش
زهقت منك يادنيا
يادنيا غش في غش
بقلم
احمد محمود
ليست هناك تعليقات:
إرسال تعليق