زجل
( قرب شوف )
قرب قرب قرب/ شوف
وع المكشوف
الأسعار غالية علينا.
ورخيصة على الضيوف
بدولار واحد
تعدي يابيه
أحلام ساحت
بألف جنية
شوف الأهرام وإتمتع
ماتقولش بكام وإدلع
غيرك.
بات مستنقع
خليك إنت نضيف
قرب قرب قرب/ شوف
وبريال واحد
إشتري مينا
تعدي وراكب
مية ألف سفينة
وأخيرا ياعم الحاج
ممكن عندك أحج؟
والنبي.
رخص لي المنتج
يمكن أقدر أطوف
قرب قرب قرب/ شوف
وع المكشوف
الأسعار غالية علينا.
ورخيصة على الضيوف
حربي علي
شاعرالسويس
ليست هناك تعليقات:
إرسال تعليق