ظلمة شموع (630)
...............
ما بقيتش عارف أيه زرعته
أجنيه دموع
وغصب عني أمشي فى طريق مافيهوش رجوع
ياما داريت
وكتمت وجعي
بين ضلوعي
عايش قساوة ليل
ما حنيش يوم وقوعي
صعبت عليا نفسي لما هجرني خلي
ووشوش بترسم حزنها
بعيون تغني
وقلوب وسامع دقها
حاسيسها مني
آه من الألم ماساب
مكان جفت غصوني
وربيع ما عشتيش فرحته
وأنا ليه ناسوني
العين بتبكي
ماعدش فيها
خلاص دموع
والصبر فاتني لوحديتي
فى ظلمه شموع
وكلي خوف أحلم ببكرة
ما أشوفش ضيه
راضي بماضي
كان له ذكرى
حياة فى قربه
وإن بكره عدا
ما صحانيش
هموت وأحبه
وبلغوه من يوم جفاه
لساه فى قلبه ..
بقلم .. صبري رسلان
ليست هناك تعليقات:
إرسال تعليق