خارج حِساباتك
ومادام أصبحت خلاص إنّي خارج حِساباتك
ومجرّد شئ كان ع الهامش يشغل أوقاتك
ووجودي خلاص بالنسبالك مش فارق حاجة
ولا فارقة أكون موجود يعني أو بره حياتك
إزاي عن جد باقيت بايع وقادر تستغنى
وف ثانية تبيع اللي ما بينا وتقبل بوداعنا
لا أنا عارف أيه أسباب إنك تتغير فجأة
ولا لاقي أكيد تفسير يعني ولا أيُّها معنى
مش قادر فعلاً أنا اصدّق ولا قادر أستَّوعب
إن إنت كنت بتخدّعني وعلّيا بتلعب
كل ما بتذكّر في وعودك وكلامك ليّا
ف دموعي بتنزل وحديها وعلى حالي أنا بَصعب
ومادام وياك بقى مش فارق إيه اللي جرالي
ف أنا فعلاً لازم أتأقلم ع الوضع الحالي
وإن كنت خلاص مش راح أمثّل شئ بالنسبالك
ف أكيد صدّقني خلاص خلصت كده بالنسبالي
بقلمي عبدالحميد وهبه
ليست هناك تعليقات:
إرسال تعليق