بقلم : د/علوى القاضى.
... كما أن كثرة الضحك تميت القلب معنويا ،، فإن الحزن يميت القلب ماديا وعضويا
... لاتتركوا أحبابكم محزونين
... جزء من محاضرتي عن إعجاز الله تعالي في خلق القلب المادي والمعنوي
قلب الجسم وقلب النفس
... سألنى أحدهم سؤالا مهما : إيه اللي بيتعب القلب ؟؟!!
.... حاجات كتير لكن الأشد تأثيرا على القلب هو الحزن
... معظم المرضي اللي بتجيلي العيادة وعندها مشاكل فى القلب بيبقي سببها الحزن !!
... الحزن بيوجع القلب ويخلي أجزاء منه تضعف
... دي حاجات شفناها كتير في السنين اللي فاتت
... القلب بيبقى مكسور
... وده بيؤثر عليه
... القلب مبيشتغلش كما يجب بعد ماحد بيزعل جدا
... عضلة القلب بتضعف من الحزن والكسرة وممكن وقتها الإنسان يموت لو حصل مضاعفات قبل ما العضلة ترجع لوضعها الطبيعي
... وإن الحزن وكسرة القلب بتموت مش مجرد شعور إنساني
... الحزن بيموت زيه زي المسدس
... وإن الكسرة والحسرة والحزن سواء من ناس قريبة مننا أو على ناس قريبة مننا ممكن يموت
... وإن الدمعة على المخدة بالليل مش دلع ومجرد مشاعر لادي بتموت
... وإن اللي بيقعد في أوضته حزين ومكتئب ممكن يموت
... واللي بيكسر قلب حد سواء بفراق أو غدر أو كذب ممكن يموته
... واللي بينصدم في حد ممكن يموت
... واللي مبيراعيش مشاعر حد ممكن يموته
... واللي بيفارق حد ويبعد عنه ممكن يموته
... واللي بيوجع القلب بكلام جارح ممكن يموته
... وإن الحسرة من ذكريات محفورة بتوجع الروح ممكن تموت
... الحزن فعلا بيموت
... ولازم الناس تدرك ده
... أرجوكم متسيبوش حد زعلان وينام وهو حزين وتقولوا هنبقى نصالحه بعدين
... انت ممكن متلاقيش بعدين أصلا أو متلاقيهوش هو شخصيا وممكن تنام وتصحى تلاقيه مش موجود في الحياة ، وتلاقيه مات بحزنه وسابك بحسرتك عليه اللي ممكن يموتك إنت كمان
... دايرة الحزن بتفرم أي حد
... ألحقوا اللي بتحبوهم قبل فوات الأوان ومتأجلوش الكلمة الحلوة اللي ممكن تشفي حد
... ده الدقيقة بتفرق والله
... اللهم إنا نعوذ بك من الهم والغم والحزن والكسرة والحسرة
... تحياتى ...
ليست هناك تعليقات:
إرسال تعليق