وطريق طويل مسدود من البدايات
تدخل قلوبهم تلاقي آهات
وتشوف عيونهم كلها أسرار وكلام
مين يسأل عليهم وقت الدمعه والأحزان
محتاجين حد يطبطب عليهم ويوصلهم بر الأمان
ويكون ليهم سند وحبيب في لحظة الألام
محتاجين لحب صادق وقلب طيب يشعر بيهم مع الأيام
وعلي حلمهم يشجعهم ويدفعهم للأمام
البنات في الحزن بتعزف علي وتر الأحباب
وبيحكوا حكاياتهم بالدمع علي المخدات
وباب مقفول عليهم وشمعة حزينة بين أيديهم
مين يرحم دمعها وهي في لحظات الأحزان
ويمسح دمعها اللي سال زي المطر علي الأوراق
وهي وردة بين الزهور بتحلم تبوح بالكلام
وكتاب مقفول عايز حد يفتح الأوراق
لكن هما مش بيناموا من الجراح
احلامهم علي شماعة في بيت مهجور من السكان
وشموعهم انطفت في ليل حزين وقمر غاب
وسنين فاتت والقطر مليان بالركاب
علي فين معدي ياقطر بالأحلام
هنا حكايات بنات بريئة في زمان غريب بالحكايات
أمانة يقطر ترجع اللي فات
وتحضن الخوف اللي جوانا من زمان
وتسير في طريق مليان بالأمنيات
أحسن الشوق طالت لحظات الأشواق
والأيام بتمر ومفيش غير ذكريات
قصيدة البنات مالينا حكايات بقلم الشاعر رامي زيدان
ليست هناك تعليقات:
إرسال تعليق