تَهموني كِتير إن أنا دايماً ساذجة وسلبية
علشان طول عمري بحب أفضل دايماً وحدّيا
فاكرين إن أنا هفضل عايشة كالقطة العميا
مش فاهمة يعني اللي بيحصل ويدور حواليا
القُطة العميا خلاص فعلاً فتَّحت عيونها
بدأت بتحارب اللي يفكّر ويقرّب منها
القُطة خلاص كِبرت يعني وإتغَيّر لونها
وخلاص هتمارس من تاني حياتها الطبيعية
تهموني كتير إن أنا دايماً ساذجة وسلبية
هتعلّم يعني إني أشاكس وإني أبقى جريئة
وأنسى إني في يوم كنت ضعيفة أو حتى بريئة
واللي هيتهور ويفكّر إنه يزعلني
أنا ممكن أكله أكيد في أقل من نص دقيقة
القطة العميا بإيديها هتخلّص تارها
من كل اللي إتجنّى عليها أو مرة ظلمها
القطة خلاص يعني إرتاحت وآهي بردت نارها
وقصاد الكل خلاص بانت صلبة وقوية
تهموني كتير إن أنا دايماً ساذجة وسلبية
بقلمي عبدالحميد وهبه
ليست هناك تعليقات:
إرسال تعليق