م النهاردة خلاص نَويت
أبتدي يعني الحكاية
م المكان اللي إبتديت
لازم أوصل للنهاية
م النهاردة خلاص هَعدّي
والنجاح ياخد بيَدّي
م النهاردة الود ودّي
أجري وأخطف النجوم
قلبي طاير م السعادة
لأ ولسه كل مادا
لسه فيه أفراح زيادة
بكره يعني وكل يوم
وإبتديت عن جد أعرف
مين عليا ومين معايا
م النهاردة خلاص نويت
أبتدي يعني الحكاية
بعد ما قررت أوصل
للي يعني حِلمت بيه
كان طبيعي أرفض مش أقبل
أي حد شككني فيه
واللي حاولوا في يوم يقِلّوا
مني أو فيّا يذلّوا
بالسلامة يلّا كلُّه
يا خلق ناكرة للجِميل
واللي كان ماسك إيديا
لمّا عدّى يعني بيّا
ده في قلبي وف عينيا
يعني لازم أشيلُه شيل
كان قراري بالمجازقة
هوَّ نقطة البداية
م النهاردة خلاص نويت
أبتدي يعني الحكاية
بقلمي عبدالحميد وهبه
ليست هناك تعليقات:
إرسال تعليق