من........غَدر حُبَك ضاعت سنيني
وكل......العُمر على فراقك حزيني
حتى.......بالصدفة عهاتفي دقَيْت
وحكَيْتني.......وقِلت بَدَك تلاقيني
ومتل..الكذب للماضي إنت حنَيْت
وخايفة........ترجع بالحب ترميني
وإنت..........عم تحكي وانا ضَليْت
إتذكر يوم لِ قِلت يا حُبي إنطُريني
وياما نَطَرْت وإنْتْ ما عدت طليْت
وبعتت...........خبر بتقلي إذكُريني
وما....عِدِت جِيت لَعِنا على البيت
وقلبي.معك بعدو وحُبي وحنيني
وسافرت......وأنا من القهر طقَيْت
وكبيت كل الهدايا لِ منك والزيني
وعقلبي.................ما عِدِت ردَيْت
ولا .........كل الحب بقى بيعنيني
وبالرغم..........من حُبَك أنا تأذيت
ولهيب..............الغدر ضل كاويني
وهلء جاي من بعد ما العُمر عَدَيْت
وإيامي صارت عم تسابق سنيني
يا رَيْتَك....لا إتصَلْتْ ولا أنا رَدَيْت
جايي....آخر العمر حتى تراضيني
ومهما بَكَيت وعلى الارض وَطَيْت
ومهما.........قلت بعتذر يا تقبريني
ومهما حلفت ومليون صلا صليت
ولو قلت لحظة من وقتِك أعطيني
إنت..........عليي بالماضي تجَنَيْت
وجاي......تقلي دخيلك سامحيني
يا..........ريت بينزِّل عليك هالبيت
ولو..........بَدَكْ من الموت تحييني
ما عدت.....أغلط ولا قول يا ريت
ولا بدي.........فيك تتكحل عيوني
وما.......عِدِتْ حِبَكْ ولا دَوِر عليك
ولا رح سامحك ولو قَبَّلت جبيني
ومن......بعد ما رجعت إلي حنيت
جايي...تحكي كلام ملَمْعُو بالزيت
وتقول أنا آسف يا حُبي أعذريني
❤️إسحاق قشاقش❤️
ليست هناك تعليقات:
إرسال تعليق