النافرة
سك قديما اعطرها شاع أ فاح علينا
حين غادرات لحمام بلحايك أ لعوينا
ما ظاهر منها غير لكعب أ ليد ازوينا
غابت مدا عادت فحلت ناس لمدينا
اشعر عل لكتاف مهدل أ لخلفا ارنينا
ما ترمق ما تبسم ما داتها لحظا فينا
ما داتنا غايا أ برمش سلمات علينا
ولا اكليما من فيمها خرجت تواسينا
شحال قرضنا قصايد ما عادت حنينا
شحال من قوال بعثنا أ شحال بثينا
ألالة رحماك رحمينا ما تكوني ضنينا
أشنو لمعمول هيا بالله تكلمي دلينا
راه من جفاك اقبضنا لفرش أ اركينا
اسقام هواك لموت من عذابو هيينا
منصور العيش
طنجة
05 - 03 - 24
ليست هناك تعليقات:
إرسال تعليق