........قلم السيد بدر
مش مستني
تاريخ في نتيجه
ولا إعلام مرئي واغنيه
ولا محتاج حد يفكرني
إني اجيبلك يامه هديه
.......
إنتي السنين حلو السنين
اللي راحت وللي جايه
دفايا ومايتي وهوايا
الأمان الحنان ونور سمايا
فى عيدك اجيبلك ايه
فى عيدك اقولك ايه
..........
أنا مهما جبتلك أنا مهما قولتلك
مديون يامايا ليكي ومقصر ناحيتك
مديونين والعمر ديه
ومهما جيبنا ياغاليه ليكي
قليل عليكى العمر ديه
..........
إنتي لينا عملتي ياما
ليكي أحنا عملنا أيه جبنالك أيه
اللى شايل واللى جايب كنتي انتي
اللى ربا وللى كبر مين غير أنني
حس مين بألمنا غيرك
حس مين بجوعنا غيرك
مستحيل بعد اللى منك أوفى دين
...........
هو بعدك عاد فى عيد
إنتي لما كنتي فيها
كل يوم كان عندي عيد
مش مستني تاريخ في نتيجه
لما بشوفك احس العيد
...........
كل صبح أفتح عيني
اوطي على ايدك ابوسها
هو غيرك دمعتي يقدر يحوشها
لمتنا حواليكي بألف عيد يامايا وكتر
وكل يوم بشتاق أحن ليكي أكتر
عيدك مش مجرد يوم
عيدك يامه كل يوم
ماكنش يامه يوم ويوم
أحلف لك يامين الله
عمري ما نسيتك فى يوم
..........
إنتي عيدي وفرحتي
إنتي سر لبهجتي
انتي حلم معايا زاير كل يوم
ياريت وجودك يامه دام
منايا يامه كان يدوم
.............
ليست هناك تعليقات:
إرسال تعليق