عشان أفضل غالي عندَك
هضّحي بحُبّي وأسيبَك
لا هيخلّصني أشوف تعبك
ولا هَسمح بتعذيبك
هدوس على قلبي ومشاعري
وأنهي القصة بإيديا
هأوئِد حبي من بدري
وألملِم جرحي وحديا
مادام قررنا نتفارق
فكان ولابد أكون سابق
مادام لا هتبقى يوم ليا
ولا راح أبقى نصيبك
عشان أفضل غالي عندك
هضّحي بحبي وأسيبك
مادام نهايتنا معروفة
فكان ولابد نتعاون
حقيقة لينا مكشوفة
وواضحة وكل شئ باين
ف أحسن لينا نتحمّل
أكيد من إننا نكمّل
بلاش نضحك على روحنا
بنكدب ولّا نتجّمّل
أكيد عارفين من الأول
هنيجي أكيد ونبعد يوم
ومهما السكة هتطّول
أكيد يعني الفراق محتوم
ف خلّي البعد ييجي مني
فراقك شئ بيقتلني
قرار ولابد يوم منه
سامحني حبيبي وأعذرني
بقلمي عبدالحميد وهبه
ليست هناك تعليقات:
إرسال تعليق